SINALIZACIÓN DOS CRUCES SITUADOS ARREDOR DA IGREXA
DE CELA E MELLORA DA VISIBILIDADE
Ante a perigosidade polos
estreitamentos e a falta de visibilidade existente nos distintos cruces que
existen na pistas arredor da igrexa de Cela e dado o escaso orzamento que se
necesitaría para solucionar este grave problema, o BNG presentou ao Pleno do
Concello a seguinte proposición para ser debatida e aprobada:
MOCIÓN:
Que coa maior urxencia posíbel
se coloquen as sinais que indiquen a preferencia na circulación de vehículos
nos seis cruces existentes nas pistas que rodean a Igrexa de Cela e, do mesmo
xeito, que se coloque un espello que axude a mellorar á visibilidade no
estreitamento en curva existente antes de chegar á propia igrexa de Cela, así
como calquera outra medida que os técnicos correspondentes poida suxerir para
mellorar a seguridade na circulación dos vehículos e no paso dos peóns desta
transitada zona do concello.